Bible-Server.org

translate into

משלי פרק13

‮1 בן חכם מוסר אב ולץ לא שמע גערה׃

‮2 מפרי פי איש יאכל טוב ונפש בגדים חמס׃

‮3 נצר פיו שמר נפשו פשק שפתיו מחתה לו׃

‮4 מתאוה ואין נפשו עצל ונפש חרצים תדשן׃

‮5 דבר שקר ישנא צדיק ורשע יבאיש ויחפיר׃

‮6 צדקה תצר תם דרך ורשעה תסלף חטאת׃

‮7 יש מתעשר ואין כל מתרושש והון רב׃

‮8 כפר נפש איש עשרו ורש לא שמע גערה׃

‮9 אור צדיקים ישמח ונר רשעים ידעך׃

‮01 רק בזדון יתן מצה ואת נועצים חכמה׃

‮11 הון מהבל ימעט וקבץ על יד ירבה׃

‮21 תוחלת ממשכה מחלה לב ועץ חיים תאוה באה׃

‮31 בז לדבר יחבל לו וירא מצוה הוא ישלם׃

‮41 תורת חכם מקור חיים לסור ממקשי מות׃

‮51 שכל טוב יתן חן ודרך בגדים איתן׃

‮61 כל ערום יעשה בדעת וכסיל יפרש אולת׃

‮71 מלאך רשע יפל ברע וציר אמונים מרפא׃

‮81 ריש וקלון פורע מוסר ושומר תוכחת יכבד׃

‮91 תאוה נהיה תערב לנפש ותועבת כסילים סור מרע׃

‮02 הלוך את חכמים וחכם ורעה כסילים ירוע׃

‮12 חטאים תרדף רעה ואת צדיקים ישלם טוב׃

‮22 טוב ינחיל בני בנים וצפון לצדיק חיל חוטא׃

‮32 רב אכל ניר ראשים ויש נספה בלא משפט׃

‮42 חושך שבטו שונא בנו ואהבו שחרו מוסר׃

‮52 צדיק אכל לשבע נפשו ובטן רשעים תחסר׃