translate into Turn off translationAfrikaans ( Afrikaans )Albanian ( Albanian Bible )Arabic Bible ( Arabic Bible )Bahasa ( Indonesian Bahasa Bible )Bulgarian ( Bulgarian Bible )Chinese Traditional ( Chinese Traditional )Croatian ( Croatian Bible )Czech ( Czech Bible )Danish ( Danish Bible )Dutch ( Dutch Bible )English ( King James Version )Finnish ( Finnish Bible )French ( Louis Segond Bible )German ( Martin Luther Translation )Greek ( Textus Receptus )Hebrew ( Westminster Leningrad Codex )Hindi ( Hindi Bible )Hungarian ( Károli Biblia )Italian ( Translated by Giovanni Diodati )Japanese ( Japanese Bible )Korean ( Korean Bible )Lithuanian ( Lithuanian Bible )Modern Greek ( Modern Greek Bible )Norwegian ( Norwegian Bible )Persian ( Persian Bible )Polish ( Polish Bible )Portugese ( João Ferreira de Almeida )Punjabi ( Punjabi Bible )Romanian ( Romanian Bible )Russian ( Russian Bible )Serbian ( Serbian Bible )Slovak ( Slovak Bible )Spanish ( Translated by Casiodoro de Reina and Cipriano de Valera )Swedish Bible ( Swedish Bible )Tagalog ( Ang Biblia )Tamil ( Tamil Bible )Telugu ( Telugu Bible )Thai ( Thai Bible )Turkish ( Turkish Bible )Ukrainian ( Ukrainian Bible )Vietnamese ( Vietnamese Bible )Xhosa ( Xhosa Bible ) במדבר פרק29   ‮1 ובחדש השביעי באחד לחדש מקרא קדש יהיה לכם כל מלאכת עבדה לא תעשו יום תרועה יהיה לכם׃   ‮2 ועשיתם עלה לריח ניחח ליהוה פר בן בקר אחד איל אחד כבשים בני שנה שבעה תמימם׃   ‮3 ומנחתם סלת בלולה בשמן שלשה עשרנים לפר שני עשרנים לאיל׃   ‮4 ועשרון אחד לכבש האחד לשבעת הכבשים׃   ‮5 ושעיר עזים אחד חטאת לכפר עליכם׃   ‮6 מלבד עלת החדש ומנחתה ועלת התמיד ומנחתה ונסכיהם כמשפטם לריח ניחח אשה ליהוה׃   ‮7 ובעשור לחדש השביעי הזה מקרא קדש יהיה לכם ועניתם את נפשתיכם כל מלאכה לא תעשו׃   ‮8 והקרבתם עלה ליהוה ריח ניחח פר בן בקר אחד איל אחד כבשים בני שנה שבעה תמימם יהיו לכם׃   ‮9 ומנחתם סלת בלולה בשמן שלשה עשרנים לפר שני עשרנים לאיל האחד׃   ‮01 עשרון עשרון לכבש האחד לשבעת הכבשים׃   ‮11 שעיר עזים אחד חטאת מלבד חטאת הכפרים ועלת התמיד ומנחתה ונסכיהם׃   ‮21 ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃   ‮31 והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃   ‮41 ומנחתם סלת בלולה בשמן שלשה עשרנים לפר האחד לשלשה עשר פרים שני עשרנים לאיל האחד לשני האילם׃   ‮51 ועשרון עשרון לכבש האחד לארבעה עשר כבשים׃   ‮61 ושעיר עזים אחד חטאת מלבד עלת התמיד מנחתה ונסכה׃   ‮71 וביום השני פרים בני בקר שנים עשר אילם שנים כבשים בני שנה ארבעה עשר תמימם׃   ‮81 ומנחתם ונסכיהם לפרים לאילם ולכבשים במספרם כמשפט׃   ‮91 ושעיר עזים אחד חטאת מלבד עלת התמיד ומנחתה ונסכיהם׃   ‮02 וביום השלישי פרים עשתי עשר אילם שנים כבשים בני שנה ארבעה עשר תמימם׃   ‮12 ומנחתם ונסכיהם לפרים לאילם ולכבשים במספרם כמשפט׃   ‮22 ושעיר חטאת אחד מלבד עלת התמיד ומנחתה ונסכה׃   ‮32 וביום הרביעי פרים עשרה אילם שנים כבשים בני שנה ארבעה עשר תמימם׃   ‮42 מנחתם ונסכיהם לפרים לאילם ולכבשים במספרם כמשפט׃   ‮52 ושעיר עזים אחד חטאת מלבד עלת התמיד מנחתה ונסכה׃   ‮62 וביום החמישי פרים תשעה אילם שנים כבשים בני שנה ארבעה עשר תמימם׃   ‮72 ומנחתם ונסכיהם לפרים לאילם ולכבשים במספרם כמשפט׃   ‮82 ושעיר חטאת אחד מלבד עלת התמיד ומנחתה ונסכה׃   ‮92 וביום הששי פרים שמנה אילם שנים כבשים בני שנה ארבעה עשר תמימם׃   ‮03 ומנחתם ונסכיהם לפרים לאילם ולכבשים במספרם כמשפט׃   ‮13 ושעיר חטאת אחד מלבד עלת התמיד מנחתה ונסכיה׃   ‮23 וביום השביעי פרים שבעה אילם שנים כבשים בני שנה ארבעה עשר תמימם׃   ‮33 ומנחתם ונסכהם לפרים לאילם ולכבשים במספרם כמשפטם׃   ‮43 ושעיר חטאת אחד מלבד עלת התמיד מנחתה ונסכה׃   ‮53 ביום השמיני עצרת תהיה לכם כל מלאכת עבדה לא תעשו׃   ‮63 והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃   ‮73 מנחתם ונסכיהם לפר לאיל ולכבשים במספרם כמשפט׃   ‮83 ושעיר חטאת אחד מלבד עלת התמיד ומנחתה ונסכה׃   ‮93 אלה תעשו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשלמיכם׃   ‮04 ויאמר משה אל בני ישראל ככל אשר צוה יהוה את משה׃